Calculator
Free · No sign up
Split bill calculator
Bill aaya, sab phone nikaal rahe hain. Yahan daalo, har ek ka share dekho, aur UPI karo.
Har baar calculator nahi kholna? HisaabChukta mein dinner 1989 likho, share khud dikh jaata hai.
Calculator
Paise tak exact kyun
₹1,989 chaar logon mein ₹497.25 each aata hai, aur yeh exact hai. Lekin ₹1,000 teen logon mein ₹333.333... aata hai, jo pay ho hi nahi sakta. Yeh calculator bache hue paise ek ek karke kuch logon mein daalta hai (₹333.34, ₹333.33, ₹333.33), taaki total bilkul ₹1,000 ho. HisaabChukta app bhi bilkul yahi karta hai.
Service charge: dena zaroori hai?
Nahi. Central Consumer Protection Authority (CCPA) ke 2022 guidelines kehte hain ki restaurant service charge apne aap bill mein nahi jod sakte, aur March 2025 mein Delhi High Court ne in guidelines ko sahi thehraya. Tip dena aapki marzi hai. Bill pe service charge dikhe aur aap dena nahi chahte, toh hatwa sakte ho. Isliye calculator mein tip default "Nahi" hai.
Jab sab ne alag alag khaya
Agar kisi ne sirf soup liya aur kisi ne full thali, toh barabar baantna fair nahi. Do tareeke: common cheezein (starters, bread) barabar, aur apni apni dish jisne khayi woh de. Ya simple rakho: jo bahut kam khaye, use pehle hi bol do "tu sirf ₹200 de".
HisaabChukta mein yeh aise likhte ho:
- starters 600sab mein barabar
- biryani 900 with Rahul and Priyasirf aap teeno
- Amit se 150 lene haiAmit ka soup
FAQ
Bill ko barabar kaise split karein?
Total ko logon se divide karo. Agar paise barabar nahi bante (jaise ₹1,000 teen mein), toh ek do logon ko ek paisa zyada do, taaki total exact rahe. Yeh calculator yahi karta hai.
Kya restaurant mein service charge dena zaroori hai?
Nahi. CCPA ke 2022 guidelines ke hisaab se service charge apne aap nahi joda ja sakta, aur Delhi High Court ne 2025 mein ise sahi maana. Tip dena aapki marzi hai.
Round off karein ya exact paise?
UPI pe exact paise bhi chale jaate hain. Round off se yaad rakhna aasaan hota hai; jo extra bache, woh bill pay karne wale ke paas.
Kya yeh calculator free hai?
Haan, free hai, koi sign up nahi, aur aapka data kahin nahi jaata. Sab aapke phone ke browser mein hi calculate hota hai.
Har bill, ek message
Free, no ads. Group banao, dosto ko invite link bhejo, aur pehla bill likho.